२० मंसिर २०८०, बुधबार
काठमाडाैं। नेपाल सुपर लिग (एनएसएल) फुटबलमा आज स्पोर्टिङ इलाम एफसी र पोखरा थण्डर्सबीच प्रतिस्पर्धा हुँदै छ । उक्त खेल दशरथ रङ्गशालामा अपराह्न ५ बजे शुरु हुनेछ ।
आजको खेलमा पोखरा आफ्नो दोस्रो जितको खोजीसहित मैदान उत्रने छ भने इलाम पनि आफ्नो दोस्रो जितको खोजीमा रहने छ । त्यसैगरी, जारी लिगमा तीन खेलबाट अपराजित रहँदै पोखरा पाँच अङ्कसहित तालिकाको चौथो स्थानमा छ भने तीन अङ्क जोडेको इलाम छैटौँ स्थानमा छ ।
त्यस्तै, मंसिर ८ गते शुरु भएको प्रतियोगितामा ९ टिम सहभागी रहेका छन् ।
प्रकाशित मिति: २० मंसिर २०८०, बुधबार
