१९ मंसिर २०८०, मंगलवार
काठमाडौं। काठमाडौंमा जारी नेपाल सुपर लिग (एनएसएल) प्रतियोगितामा आज ललितपुर सिटी एफसी र वीरगन्ज युनाइटेड एफसीबीच प्रतिस्पर्धा हुँदै छ । उक्त खेल त्रिपुरेश्वरस्थित दशरथ रङ्गशालामा साँझ ५ बजेबाट सुरु हुनेछ ।
त्यस्तै, अंक तालिकाको दोस्रो स्थानमा रहेको ललितपुर सिटी एफसी र अन्तिम नवौं स्थानमा रहेको नवप्रवेशी टोली वीरगन्ज युनाइटेड एफसीबीच मंगलबार हुने प्रतिस्पर्धामा जारी खेलमा अङ्कविहीन बनेको वीरगन्ज युनाइटेड आजको खेलबाट पहिलो जित निकाल्न चाहन्छ । यसअघि दुई खेल खेलेको युनाईटेडले दुवै खेलमा जित गुमाएको छ भने दुवै खेलमा राम्रो प्रदर्शन गरे पनि वीरगन्ज युनाइटेड धनगढी एफसी र एफसी चितवनसँग समान २–१ ले पराजित भएको थियो । युनाइटेडले आज तेस्रो खेल खेल्दै पहिलो जितको खोजीमा छ ।
यता ललितपुर एफसीले मंगलबार आफ्नो चौथो खेल खेल्दै छ भने ३ खेल खेलेको ललितपुर एक जित र दुई बराबरीबाट ५ अङ्कसहित अंक तालिकाको दोस्रो स्थानमा छ । ललितपुरलाई आजको खेल जित्दै शीर्ष स्थानमा उक्लने मौका छ भने हाल ३ खेलबाट ७ अङ्कसहित धनगढी शीर्ष स्थानमा रहेको छ ।
प्रकाशित मिति: १९ मंसिर २०८०, मंगलवार
