१७ मंसिर २०८०, आईतवार
काठमाडौं। नेपाल सुपर लिग (एनएसएल) २०२३ मा आज स्पोर्टिङ इलाम एफसी र एफसी बुटवल लुम्बिनीबिच खेल हुँदै छ । उक्त खेल साँझ साढे ५ बजे दशरथ रंगशालमा सुरु हुनेछ ।
दुवै टिमको लागि यो तेस्रो खेल हुनेछ । नयाँ टोली इलाम लगातार दोस्रो जित निकाल्ने लक्ष्यमा हुनेछ भने बुटवल लुम्बिनी पहिलो जितको खोजीमा छ ।
बुटवल लुम्बिनी पहिलो खेलमा ललितपुर सिटी एसीसँग २-० ले तथा दोस्रो खेलमा धनगढी एसीसँग १-० ले पराजित भएको थियो । स्पोर्टिङ इलामको मार्की र कप्तानमा विकेश कुथु छन् भने एरिक विष्टले बुटवलको कप्तानी गर्नेछन् ।
यसअघि पहिलो खेलमा काठमाडौं रेजर्ससँग पराजित भएको इलामले झापा एफसीलाई हराएर पहिलो जित निकालेको थियो । दुई खेलबाट ३ अङ्कसहित इलाम छैटौँ स्थानमा छ भने लगातार दुई खेल हारेको बुटवल लुम्बिनी अङ्कविहीन हुँदै पुछारमा रहेको छ ।
प्रकाशित मिति: १७ मंसिर २०८०, आईतवार
