१७ फाल्गुन २०७९, बुधबार
काठमाडौ : हाल कर्णाली र सुदूरपश्चिम प्रदेश लगायत देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीदेखि मौसम सामान्यतया सफा रहेको जल तथा मौसम विज्ञान विभागले जनाएको छ ।
आज दिउँसो देशको पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीदेखि मौसम सामान्यतया सफा रहनेछ । देशका पहाडी भू–भागका एक–दुई स्थानमा मेघ गर्जन/चट्याङसहित हल्का वर्षाको सम्भावना रहेको छ । देशका उच्च पहाडी तथा हिमाली भू–भागका थोरै स्थानहरुमा हल्का हिमपातको सम्भावना रहेको छ ।
आज राति गण्डकी, कर्णाली र सुदूरपश्चिम प्रदेशका पहाडी भू–भागमा आंशिकदेखि सामान्य बदली बाँकी भू–भागमा आंशिक बदलीदेखि मौसम सामान्यतया सफा रहनेछ । गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू–भागका एक–दुई
स्थानमा हल्का हिमपातको सम्भावना रहेको छ ।
दिगो विकास तथा सुशासन समितिको बैठक बस्दै आज दिगो विकास तथा सुशासन समितिको बैठक बस्दैछ । बैठक आज बिहान ११ बजे
समितिको हलमा बस्नेछ । आजको बैठकमा दिगो विकास लक्ष्यको मध्यावधि समीक्षा अध्ययनको लागि अवधारणापत्र प्रश्तुत गर्ने सम्बन्धमा छलफल हुनेछ ।
राष्ट्रिय सरोकार तथा समन्वय समितिको बैठक बस्दै आज राष्ट्रिय सरोकार तथा समन्वय समितिको बैठक बस्दैछ । बैठक बिहान ११ बजे कानून, न्याय तथा मानव अधिकार समितिको बैठक कक्षमा बस्नेछ । बैठकमा तहगत राज्य संरचनाको विकासमा लैङ्गिक मुलप्रवाहिकरण, समानुपातिक समावेशी प्रतिनिधित्व सम्बन्धी कानूनी व्यवस्था र वर्तमान अवस्थाका सम्बन्धमा छलफल हुनेछ ।
प्रकाशित मिति: १७ फाल्गुन २०७९, बुधबार
