२० आश्विन २०८०, शनिबार
काठमाडौं। इजरायलमा शनिवार प्यालेस्टाइन हमास समूहलेगरेको आक्रमणमा नेपाली नागरिक पनि परेका छन् । इजरायलमा १४ जना नेपालीहरू काम गरेको फार्ममा पनि आक्रमण हुंदा ९ जना नेपाली घाइते भएका छन् । यीमध्ये २ जनाको अवस्था गम्भिर रहेको परराष्ट्र मन्त्रालयले शनिबार जारी बिज्ञप्तिमा भनिएको छ ।
परराष्ट्रले भनेको छ ` १४ जना नेपाली काम गरिरहेको फार्ममा पनि आक्रमण भएको जानकारी पाएका छौं । नौ जना नेपाली घाइते भएको र दुई जनाको अवस्था गम्भीर रहेको बताइएको छ ।’ थप विवरण आउन बाॅकी रहेको परराष्ट्रले जनाएको छ । यसैबीच नेपाल सरकारले इजरायलमाथिको आतंककारी हमला भन्दै हमलाको निन्दा गरेको छ ।
यस संकटको घडीमा इजरायल सरकारसँग हाम्रो ऐक्यबद्धता व्यक्त गर्दछौं, नेपाल सरकार इजरायल सरकारका साथै यस क्रूर हमलाका पीडितहरू र उनीहरूका परिवारहरूप्रति हार्दिक समवेदना र गहिरो समवेदना प्रकट गर्दछ। उहाँहरूको शिघ्र स्वास्थ्य लाभको कामना गर्दछौं।
इजरायलस्थित नेपाली दूतावासले आक्रमण प्रभावित क्षेत्रमा बसोबास गर्ने नेपालीहरूसँग निकट सम्पर्कमा रहेको जनाएको छ । नेपालीको सुरक्षा, सुरक्षा र उद्धारका साथै घाइतेको उपचारका लागि पनि दूतावासले इजरायलका अधिकारीसँग सम्पर्क र समन्वय गरिरहेको छ ।
सरकारले परिस्थितिलाई ध्यानमा राख्दै इजरायलमा रहेका नेपाली नागरिकहरूलाई सतर्क रहन र सरकार तथा सम्बद्ध अधिकारीहरूले निर्देशन दिए अनुसार सुरक्षा उपायहरू पालना गर्न अनुरोध गरेको छ।
प्रकाशित मिति: २० आश्विन २०८०, शनिबार
