१२ भाद्र २०८०, मंगलवार
१२ भदौ, काठमाडाैँ । सञ्चारकर्मी तथा गीतकार वसन्त योगीको तीज गीत ‘कल्ले खायो दर’ सार्वजनिक भएको छ । योगीले शब्द संयोजना गरेको यो गीतमा लोकप्रिय गायिका अन्नु चौधरीको स्वर भरेकी छन् । गीतमा संगीत संयोजन पुस्कर सुनुवारको छ ।
गीतको भिडियोमा चर्चित मोडल अञ्जली अधिकारी, करिष्मा ढकाल र कृष्णाकुमारी महतले नृत्य गरेका छन् । प्रशान्त मगरको निर्देशन र अजय रेग्मीको छाँयाङ्कन तथा प्रविन भट्टको सम्पादन रहेको म्युजिक भिडियोमा पूर्ण प्याकेज देखिन्छ ।
गाउँबस्तीमा चलनचल्ती रहेका सर्वसाधारणले बुझ्ने सहज शव्द जोडेर बनाइएको गीत नेपाली नारीहरुको भावनालाई समेटेर तयार पारिएको म्युजिक भिडियोका निर्देशक प्रशान्त मगरले बताए। गीत र म्युजिक भिडियोमा नेपाली मौलिकता देखाउन खोजिएको निर्माताले वताएका छन्।
प्रकाशित मिति: १२ भाद्र २०८०, मंगलवार
