१ भाद्र २०८०, शुक्रबार
१ भदाै, काठमाडाैँ । नेपाल आएका बागेश्वरधामका संस्थापक आचार्य धीरेन्द्र कृष्ण शास्त्री (बागेश्वर धाम सरकार) ले नेपाल भारतको अभिन्न अंग भएको अभिव्यक्ति दिएका छन् ।
नवलपरासीको सिजी धाममा प्रवचन दिनका लागि चाैधरी ग्रुपको निमन्त्रणामा नेपाल आएकै दिन उनले विवादास्पद अभिव्यक्ति दिएका हुन् ।
‘यो यस्तो भक्तिको भूमि हो। माता जानकीको नगरी हो। नेपाल भारतको एक अभिन्न अंग, भारतको मित्र देश हो। भारतसँग काँधमाकाँध मिलाएर पुरा संसारमा सनातनको झण्डा फैलाउने देश हो।’ उनले एक कार्यक्रमलाई सम्बोधन गर्दैै भनेका छन् ।
बागेश्वरधाम सरकारका नामले चर्चित शास्त्री विवादास्पद धर्मगुरू मानिन्छन् । उनी नेपाल र भारत लगायत अन्य मुलुकहरूमा समेत प्रवचन दिने गरेका छन् ।
प्रकाशित मिति: १ भाद्र २०८०, शुक्रबार
