१५ असार २०८०, शुक्रबार
१५ असार, चितवन । बिहीबार बिहानदेखि नै बन्द भएको मुग्लिन-नारायणगढ सडकखण्ड सुचारू भएको छ । इच्छाकामना गाउँपालिकामा पर्ने ३ नम्बर पुलमा पहिरो गएका कारण अवरूद्ध भएको बाटो ३२ घण्टापछि सञ्चालन भएको हो ।
नेपाल प्रहरीले पहिरो पन्छाउने काम सकिएसँगै शुक्रबार साँछ ५ः २० बजेबाट बाटो दुइ तर्फी नै सञ्चालन भएको जानकारी दिएको छ । वर्षात्को समयमा मुग्लिन-नारायणगढ सडकखण्ड सँधैको समस्या रहिआएको छ ।
उक्त सडकखण्ड भएर यात्रा गर्नेहरू सँधैको जोखिममा रहने गरेका छन् ।
प्रकाशित मिति: १५ असार २०८०, शुक्रबार
