१५ असार २०८०, शुक्रबार
१५ असार, काभ्रे । काभ्रेपलाञ्चोकको तेमाल गाउँपालिकाले आर्थिक वर्ष २०८०-०८१ का लागि ५० करोड ९३ लाख ९० हजार ६२५ रुपैयाँको बजेट ल्याएको छ । बिहीबार १३औं गाउँ अधिवेशन मार्फत उपाध्यक्ष दलमान थोकरले उक्त बजेट सार्वजनिक गरेका हुन् ।
गाउँपालिकाले २०८०-०८१को बजेटमा शिक्षा, स्वास्थ्य, सडक, पूर्वाधार विकास र विपद् व्यस्थापनतर्फ ध्यान दिएर बजेट ल्याएको उपाध्यक्ष थोकरले बताए । तेमाल गाउँपालिकाले स्वास्थ्यमा १ करोड तथा शिक्षामा १० लाख बजेट छुट्याएको छ ।
गाउँपालिकाले चालु खर्च तर्फ ७ करोड १३ लाख ४ हजार ६५२ रूपैयाँ विनियोजन गरेको जानकारी दिइएको छ । त्यसैगरी, गाउँपालिकाले वडा नं. ५ को कार्यालय निर्माणको लागि १५ लाख र वडा नं. २ कार्यालय निर्माणका लागि ८ लाख बजेट छुट्याएको छ ।
प्रकाशित मिति: १५ असार २०८०, शुक्रबार
