२३ आश्विन २०८३, शुक्रबार
काठमाडौँ । गृह मन्त्रालयले सशस्त्र प्रहरी बलका अतिरिक्त महानिरीक्षक (एआईजी) वंशीराज दाहाललाई सेवाबाट हटाएको छ। पटक–पटक आचरण उल्लंघन, अनुशासनहीनता र संगठनको प्रतिष्ठामा आँच पुर्याएको कसुरमा उनीमाथि विभागीय कारबाही गरिएको मन्त्रालयले जनाएको छ।
सुरक्षा संवेदनशील सूचना चुहावटको आरोपमा निलम्बनमा परेका दाहालमाथि सशस्त्र प्रहरी प्रधान कार्यालयले कारबाही सिफारिस गरेको थियो। त्यसपछि मन्त्रालयले असोज १९ गते जाँचबुझ अधिकृत तोकेर छानबिन प्रक्रिया अघि बढाएको थियो।
यसअघि पूर्वप्रधानन्यायाधीश चोलेन्द्र शमशेर जबरा प्रहरी नियन्त्रणमा रहेका बेला टेकुस्थित उपत्यका अपराध अनुसन्धान कार्यालयमा पुगेर भेटेको विषयमा पनि दाहाल विवादमा परेका थिए। उक्त घटनापछि उनलाई स्पष्टीकरणसमेत सोधिएको थियो।
प्रकाशित मिति: २३ आश्विन २०८३, शुक्रबार
