१६ श्रावण २०८३, शनिबार
काठमाडौं । परीक्षा नजिकिँदै जाँदा धेरै विद्यार्थी तनाव र हतारमा पढ्न थाल्छन्। तर अन्तिम समयमा घोकन्ते अध्ययनभन्दा योजनाबद्ध सही रणनीति अपनाए राम्रो नतिजा हासिल गर्न सकिन्छ।
त्यसैगरी, पर्याप्त निद्रा, सन्तुलित आहार र बीच–बीचमा छोटो विश्रामले एकाग्रता बढाउन मद्दत गर्छ। अघिल्ला वर्षका प्रश्नपत्र अभ्यास गर्ने, समय व्यवस्थापन गर्ने र आत्मविश्वास कायम राख्ने विद्यार्थीले परीक्षामा राम्रो प्रदर्शन गर्ने सम्भावना बढी रहने गर्दछ।
राम्रो नतिजा हासिल गर्न यी उपाय अपनाउनुहोस्:
-नयाँ पाठ नथाल्नुहोस्, पढिसकेका विषयको पुनरावलोकन गर्नुहोस्।
-महत्त्वपूर्ण नोट, सूत्र र परिभाषा दोहोर्याएर पढ्नुहोस्।
-अघिल्ला वर्षका प्रश्नपत्र समाधान गर्ने अभ्यास गर्नुहोस्।
-कमजोर विषयलाई प्राथमिकता दिएर समय छुट्याउनुहोस्।
-समय व्यवस्थापन गर्दै अध्ययन तालिका बनाउनुहोस्।
-६/८ घण्टा पर्याप्त निद्रा लिनुहोस्, रातभर जाग्राम नबस्नुहोस्।
-पौष्टिक खाना र पर्याप्त पानी सेवन गर्नुहोस्।
-सामाजिक सञ्जाल र मोबाइलको प्रयोग सकेसम्म कम गर्नुहोस्।
-बीच–बीचमा ५–१० मिनेट विश्राम लिएर पढ्दा एकाग्रता बढ्छ।
-आत्मविश्वास कायम राख्दै सकारात्मक सोचका साथ परीक्षामा सहभागी हुनुहोस्।
परीक्षा अघिल्लो रात आवश्यक कागजात, प्रवेशपत्र र लेखन सामग्री तयार राख्नुहोस्। यसले परीक्षा दिनको तनाव कम गर्छ।
प्रकाशित मिति: १६ श्रावण २०८३, शनिबार
