७ जेष्ठ २०८२, बुधबार
काठमाडौँ। सार्वजनिक लेखा समिति सभापति ऋषिकेश पोखरेलले सभापति खानकै लागि मात्रै आफू सभापति नबनेको बताएका छन् ।
बुधवारको सार्वजनिक लेखा समितिको बैठकमा बोल्दै उनले तत्कालीन समयमा राजनीतिक सहमतिका आधारमा निर्णय गर्दा आफूले सार्वजनिक लेखा समितिको जिममेवारी पाएको बताउदै त्यसमा असन्तुष्टि भएको भए सबै जिम्मेवार बनेर संसलाई पुनः सबै समितिको पुनःविचार गर्न आग्रह गर्नुपर्ने बताएका छन् । उनले समितिको बैठकबाटै राजनीतिक सहमति पुनः गरौँ भनेर निर्णय गर्न आग्रह गरेका छन् ।
उनले भने, ‘सभापति खान आएको होइन । मैले बोलेकै हो । त्यतिखेर एउटा राजनीतिक सहमतिका आधारमा एउटा निर्णय निस्कियो । तर ठिक छ त आजको बैठकले सबै जिम्मेवार छौँ । संसदलाई आग्रह गरौँ । सबै समितिको पुनःनिर्वाचन गरि पाउँ । वा राजनीतिक सहमति गरि पाउँ । आज निर्णय गरौँ । नभएदेखि बारम्बार एउटै विषय । व्यक्तिगत रुपमा उसको आचरणमा कमजोर बनाउन, बाहिर भ्युज बढाउन, अपमान गर्न निम्ति यस्तो विषय दोहा¥याउनु हुँदैन ।’
उनले भ्युज बढाउने नाममा अरुको व्यक्तिगत आचरण कमजोर बनाउन अपमान नगर्न आग्रह गरेका छन् ।
प्रकाशित मिति: ७ जेष्ठ २०८२, बुधबार
