१४ चैत्र २०८१, बिहीबार
काठमाडौँ। प्रधानमन्त्री ओलीले सुशासनका लागि सरकार दत्तचित्त भएर लागेको दाबी गरेका छन् ।
प्रधानमन्त्री ओलीले जनतालाई सन्तुष्ट बनाएर जाने बाटो राजनीतिक दलहरुले लिनुपर्ने बताउदै जनतालाई काममार्फत सन्तुष्ट बनाउनुपर्ने र अशान्ती भड्काउने दिशामा नजान सबै राजनीतिक दलहरुसँग आग्रह गरेका छन् । आज अधिनायकवादी नभइ लोकतान्त्रिक सरकार रहेको जिकिर गर्दै उनले जनताका सुझाव सुन्नका लागि आफू सदैव तत्पर रहेको बताए । उनले सबैको रचनात्मक भुमिका भएमात्रै गरिबी हटाउन, देश विकास गर्न सम्भव रहेको बताएका छन् । आफूले आलोचनालाई स्वागत गर्ने बताउदै उनले समाज नबिथोल्न, शान्ति प्रक्रिया नभाँड्न र शान्ति प्रक्रिया सफल बनाउन आह्वान गरेका छन् ।
सत्य निरुपण तथा मेलमिलाप आयोगका लागि सिफारिस समिति बनेर काम शुरु गरिसकेको र दुई महिनापछि सिफारिसको आधारमा आयोग गठन हुने बताए । न्याय र परिपूरण दिनेकुरामा लाग्ने बताएका छन् ।
प्रधानमन्त्री ओलीले विगतमा नेपालले ठूलो हिंसा भोगेको जिकिर गर्दै अहिले पनि उक्त हिंसालाई लिएर बिदा मनाउने कुरा किन भइरहेको छ ? भन्दै प्रश्न गरे । माओवादी द्वन्द्व राष्ट्रिय गल्ती भएको बताएका छन् ।
प्रकाशित मिति: १४ चैत्र २०८१, बिहीबार
