विदेशमा पेट त भर्न सकिन्छ, तर मन भर्न सक्तैन !

• कर्ण शाक्य

अवकाशपछि विदेशमा छोराछोरीसँग बस्न जानुहोस्। त्यहाँ पेट त भर्न सकिन्छ, तर मन भर्न सक्तैन। त्यसर्थ, पेशाबाट अवकाश लिनु भन्दा पहिला, तपाईंको गाउँमा बाँझो जमिन छ भने सानो घर बनाइ हाल्नुहोस्। पानी र बिजुलीको व्यवस्था गर्नुहोस्। गाई-बाख्रा पाल्नुहोस्। घर वरिपरि बगैंचा र फलफूलका बिरुवा रोप्नुहोस्। जब सहरमा बाक्क दिक्क लाग्छ, गाउँको घरमा जानुहोस्। अर्गानिक खाना खानुहोस्। बगैंचामा घाम ताप्नुहोस्। बिरुवा छाँटकाँट गर्नुहोस्, पानी हाल्नुहोस् र गाईलाई घाँस खुवाउनुहोस्। चौतारीमा गाउँलेहरूसँग गफ गर्नुहोस्। जब फर्केर सहर जानुहुन्छ, तपाईं ताजा उर्जाले भरिपूर्ण हुनुहुनेछ! यसभन्दा सुन्दर जीवन के हुन सक्छ? गाउँ फर्कौँ!