१९ चैत्र २०७९, आईतवार
१९ चैत्र, राैतहट । मेयरको नाममा एसईई परीक्षा दिइरहेका नक्कली परीक्षार्थी पक्राउ परेका छन् । राैतहटको मौलापुर नगरपालिकाको लक्ष्मीनियाँ माविमा सञ्चालन भइरहेको परीक्षा दिइरहेका बेला नक्कली परीक्षार्थी ३० वर्षीय कमल साह पक्राउ परेका हुन् ।
उनी देवाही गोनाही नगरपालिकाका मेयर प्रेमलाल साह कानुका ज्वाइँ भएको पाइएको छ । पेशाले इन्जिनियर उनी एसईई परीक्षाको दोश्रो दिन समातिएका हुन् ।
नियमिततर्फ सिम्बोल नम्बर–३५०३७२८ का विद्यार्थी नगरप्रमुख प्रेमलाल साह कानुको नाममा परीक्षा दिइरहेका उनी अनुगमनमा खटिएको टोलीद्वारा पक्राउ परेका हुन् ।
यस विषयमा थप अनुसन्धान भइरहेको बताइएको छ ।
प्रकाशित मिति: १९ चैत्र २०७९, आईतवार
