२१ फाल्गुन २०८१, बुधबार
काठमाडौँ । नेपाल नागरिक उड्ययन् प्राधिकरण अन्तर्गतको फायर सर्भिसेस चौथो तहका लागि आवेदन खुलायाे । लोकसेवा आयोगले फायर एभिएसन सर्भिसेसका लागि १७ जना कर्मचारी चाहिएको भन्दै विज्ञापन गरेको थियो । विज्ञापन अनुसार खुला ९ जना, महिला ३ जना, आदिवासी जनजाति ३ जना, मधेशी १ जना र अपांगता भएका व्यीक्तका लागि १ जनाको कोटा थियो ।
तर आयोगले गत २० असारमा भने १७ जनाको माग भएकामा आवेदन दिएका १ जनाको मात्र परीक्षा लियो । परीक्षा दिएका ती एकजना पनि पास हुन नसकेको लोकसेवा आयोगले जनाएको छ । १८ फागुनमा लोकसेवा आयोगले निकालेको लिखित परीक्षाको नतिजामा परीक्षामा सामेल १ जना व्यक्ति समेत पास नभएको उल्लेख छ । यो सेवामा लोकसेवाले दशौँ तहसम्मको परीक्षा लिने गरेको छ । तर चौथो तहमा भने निवेदक नै भेटिएनन् भने भेटिएका एक जनासमेत पास हुन सकेनन् ।
प्रकाशित मिति: २१ फाल्गुन २०८१, बुधबार
