२६ पुष २०८१, शुक्रबार
काठमाडौँ । गाजापट्टीमा इजरायली आक्रमणमा कम्तिमा ३१ प्यालेस्टिनीको मृत्यु भएको गाजाको नागरिक रक्षा प्रवक्ता महमूद बसालले बताएका छन् ।
इजरायली जेटहरूले गाजा शहरको दक्षिणमा रहेको जेटौन छिमेकमा रहेको एउटा घरमा आक्रमण गर्दा पाँच प्यालेस्टिनीको मृत्यु भएको र छ जना घाइते भएको बसालले बताए । दक्षिणी गाजा पट्टीको खान युनिस शहरमा रहेको एउटा घरमा इजरायली बम विस्फोटमा महिला बालबालिकासहित सात अन्य प्यालेस्टिनीको मृत्यु भएको बसालले बताएका छन् ।
बसालकाअनुसार सोही शहरमा इजरायली हवाई आक्रमणमा एकै परिवारका तीन सदस्यको मृत्यु भएको थियो । इजरायली विमानहरूले खान युनिसको पश्चिममा रहेको अल–मवासी क्षेत्रमा रहेको एउटा पाललाई निशाना बनाए । जसमा एक महिला र चार बालबालिकासहित पाँच जनाको मृत्यु भएको उनले बताए ।
गाजापट्टीमा जारी इजरायली आक्रमणबाट प्यालेस्टिनीको मृत्यु हुने संख्या ४५ हजार ९३६ पुगेको गाजास्थित स्वास्थ्य अधिकारीहरूले बताएका छन् ।
प्रकाशित मिति: २६ पुष २०८१, शुक्रबार
