९ पुष २०८१, मंगलवार
काठमाडौँ। कार्यक्रममा बोल्दै जनता समाजवादी पार्टी जसपा नेपालकी सांसद पूजा चौधरीले संघीयताको सन्तुलित कार्यान्वयन नभएको गुनासो गरेकी छिन् ।
उनले मधेस प्रदेश बजेट र व्यवहारमा सधैँ विभेदमा पर्ने गरेको बताईन् । उनले संघीयताले जनतालाई सुशासन र नैतिकताको अनुभुति नगराएको बताएकी छिन् ।
संघीयतासँगै भौगोलिक भेदभावका घट्ना समेत बढ्दै गएको भन्दै सुशासन र नैतिकताको विषयमा सबैले सोच्न जरुरी रहेको उनको भनाइ छ ।
उनले भनिन् ,‘हामी राष्ट्रिय गान गाउँदा ‘सयौं थुंगा फूलका हामी एउटै माला नेपाली भन्छौं’ तर मधेस प्रदेश सधैं विभेदमा पर्छ । सबैभन्दा बढी बढी जनसंख्या र मिश्रित समुदाय भएको प्रदेश पनि यही हो । चाहे त्यो बजेटको कुरा होस् चाहे व्यवहारको कुरा जहिले पनि मधेस प्रदेश विभेदमा पर्ने गरेको छ । एनपीएलको सन्दर्भ जोड्छु, धोति र टोपी त नेपालको सान होनि । तर संघीयताले सुशासन र नैतिकताको अनुभुति नभएको मलाई महसुस भइरहेको छ । संघीयता त हामीले ल्यायौं । तर सुशासन र नैतिकताको अनुुभुति दिएको छ त ?’
प्रकाशित मिति: ९ पुष २०८१, मंगलवार
