२७ मंसिर २०८१, बिहीबार
काठमाडौँ । समितिको बैठकमा बोल्दै सांसद देवेन्द्र पौडेलले सरकारले निःशुल्क वितरण गर्ने भनिएका औषधिहरु लुकिछिपी विक्री भइरहेको भन्दै मन्त्री पौडेलको ध्यानाकर्षण गराए ।
उनले सरकारले निःशुल्क भएका औषधिको लुकिछिपी विक्री वितरण गर्नेहरुमाथि निगरानी गर्न आवश्यक भएको बताए । अस्पतालको अगाडि खोलिएका फार्मेसीहरुमा मन्त्रालयको निगरानी बढाउनुपर्ने बताए ।
उनले भने , ‘अहिले पनि वितरण गर्ने भनिएका औषधिहरु, जो निःशुल्क भनिएका छन्, लुकीछिपी विक्री भएका छन् । अनुगमन गर्नुहोला । नागरिकले पाउँदैन । उसको व्यक्तिको क्लिनिकबाट विक्री भएका छन् । अस्पतालको अगाडि खोलिएका फार्मेसीहरुमा मन्त्रालयको राम्रोसँग निगरानी होस् । फार्मेसी खोल्ने तरिका पनि ठिक छैन । अस्पतालको अगाडि भित्र किन्ने की बाहिर किन्ने ? भित्र पनि छ, बाहिर पनि छ । नागरिकले कहाँबाट किन्ने भन्नेकुरा क्लियर गरियोस् ।’
प्रकाशित मिति: २७ मंसिर २०८१, बिहीबार
