२६ मंसिर २०८१, बुधबार
काठमाडौँ । टर्कीको सबैभन्दा ठूलो उड्डयन केन्द्र इस्तानबुल एयरपोर्टले बढ्दो यात्रु क्षमता समायोजन गर्न तीनवटा रनवेमा एकैसाथ टेकअफ र ल्याण्डिङ सञ्चालन गर्ने भएका छन् ।
यातायात र पूर्वाधार मन्त्री अब्दुलकादिर उरालोग्लुले यस्तो घोषणा गरेका हुन् । १७ अप्रिल, २०२५ इस्तानबुल एयरपोर्टमा सबै तीन रनवेहरूमा एकैसाथ टेकअफ र ल्याण्डिङ सञ्चालन शुरु गर्ने उनको भनाइ छ ।
यसले परिचालन ढिलाइ कम गर्न अनुमति दिने बताए । साथै इन्धन वचत र उडान दक्षता अधिकतम गर्न सकिने उनको भनाइ छ । यसको विस्तार योजना अन्तर्गत २०२८ सम्ममा विमानस्थलमा छ वटा रनवे हुनेछन् । नयाँ धावनमार्गहरू सञ्चालनमा आएसँगै हवाई यातायात सञ्चालनको दक्षतामा थप सुधार हुने बताए ।
एयरपोर्टले गत वर्ष लगभग ७६ मिलियन यात्रुहरूलाई सेवा दिएका थिए । २०२४ मा ८१ मिलियनको संख्यामा पुग्ने लक्ष्य छ । इस्तानबुल एयरपोर्ट आधिकारिक रूपमा अक्टोबर २०१८ मा खोलिएको थियो । अप्रिल २०१९ को शुरुमा पूर्ण रूपमा सञ्चालनमा आएको थियो ।
प्रकाशित मिति: २६ मंसिर २०८१, बुधबार
