टर्कीले सिरियालाई फेरि विभाजन हुन दिँदैनः एर्दोगान

काठमाडौँ । टर्कीले सिरियालाई द्वन्द्व क्षेत्र बन्न र पुनः विभाजित हुन नदिने टर्कीका राष्ट्रपति रेसेप तैयप एर्दोगानले बताएका छन्

। नयाँ सिरियाली सरकारको स्थायित्व वा पुरातन सिरियाली भूमिको अखण्डतामा कुनैपनि आक्रमणले सिरियाली जनतालाई क्षति हुन नदिने उनको भनाइ थियो । सिरियाली लडाकु समूह, हयात तहरीर अल–शामको नेतृत्वमा, नोभेम्बर २७ देखि उत्तरी सिरियाबाट एक ठूलो आक्रमण छेडिएको छ ।

त्यसपछि १२ दिन भित्र राजधानी दमास्कस कब्जा गरी सरकारी नियन्त्रण क्षेत्रहरु मार्फत दक्षिणतर्फ फैलिएको छ । आक्रमणपछि सिरियाली राष्ट्रपति बसर अल–असदको सरकार आईतवार ढलेको थियो । अल–असद राजीनामा दिएर शरण लिन रुस पुगेका छन् ।