२३ मंसिर २०८१, आईतवार
काठमाडौँ । दक्षिण कोरियाको संसदले शनिवार राष्ट्रपति युन सुक–योलको महाभियोग प्रश्ताव पारित गर्न असफल भएको छ । सत्तारूढ पीपुल पावर पार्टीका अधिकांश सांसदहरूले मतदान गर्न अस्वीकार गरेका हुन् ।
युनकी श्रीमतीको घोटालाको छानबिन गर्ने विधेयकको विपक्षमा मतदान गरेपछि सत्तारुढ दलका १०८ सांसदहरूमध्ये धेरैजसो संसद भवनबाट बाहिरिएका थिए । सत्तारुढ दलका एकजना सांसद हलमै बसे र दुईजना बाहिरिएर फर्किएका थिए । राष्ट्रिय सभाका ३०० सांसदमध्ये १९८ ले पहिलो महिलाको विशेष अभियोजन अनुसन्धानसम्बन्धी विधेयकको पक्षमा मतदान गरे । विपक्षमा १०२ जनाले मत दिएका थिए ।
विधेयक पारित गर्न कम्तिमा दुई तिहाई सांसदले मतदान गर्नुपर्ने हुन्छ । प्रमुख उदारवादी लोकतान्त्रिक पार्टीलगायत विपक्षी दलका सांसदहरूले सत्तारुढ दलका सांसदहरूलाई एक एक गरी नाम दिएर फर्केर मतदान गर्न आह्वान गरे । महाभियोग प्रश्ताव पारित गर्न दुई सयभन्दा बढी सांसदले हो मतदान गर्नुपर्छ । राष्ट्रिय सभाका सभामुख वू वोन–सिकले सत्तारुढ दलका सांसदलाई करिव तीन घण्टाको पर्खाइपछि गणपूरक संख्या नपुगेको भन्दै महाभियोग प्रश्ताव खारेज भएको घोषणा गर्दै मतदान प्रक्रिया टुङ्ग्याएका थिए ।
संसद भवनबाहिर लाखौं नागरिकले युनको महाभियोगको पक्षमा मतदानको माग गर्न मैनबत्ती जुलुस निकालेका थिए ।
प्रकाशित मिति: २३ मंसिर २०८१, आईतवार
