१८ मंसिर २०८१, मंगलवार
काठमाडौँ । अस्ट्रेलियाको प्रहरीले सोमवार देशको इतिहासमै कीर्तिमानी कोकिन बरामद गरेका छन् । सो आरोपमा १३ जनालाई पक्राउ गरी अभियोग लगाइएको जनाएका छन् । अस्ट्रेलियाको संघीय पुलिस (एएफपी) ले उत्तरपूर्वी अस्ट्रेलियाको क्विन्सल्याण्ड राज्यमा समुन्द्री मार्गबाट २.३४ टन कोकिन आयात गर्ने प्रयास गरेको आरोपमा अन्तर्राष्ट्रिय आपराधिक सिन्डिकेटको अनुसन्धानपछि ११ वयस्क र दुई किशोरलाई अभियोग लगाइएको घोषणा गरेका छन् । एएफपी र क्वीन्सल्याण्ड प्रहरी सेवा (क्यूपीएस) का अधिकारीहरूले शनिवार राति र आईतवार बिहानको समयमा पक्राउ गरेका हुन् । पक्राउ पर्नेहरूमा क्वीन्सल्याण्डमा कोकिन आयात गर्ने प्रयास गर्ने जहाजका चालक दल र अवैध लागुऔषध सङ्कलन गर्न किनारमा पर्खिरहेका धेरै पक्षहरू थिए ।
यो अष्ट्रेलियाको इतिहासमा कोकिनको सबैभन्दा ठूलो बरामद हो । ७६० मिलियन अस्ट्रेलियाली डलर (४९३.६ मिलियन अमेरिकी डलर) को अनुमानित मूल्य रहेको छ । सबै १३ जनालाई सीमामा नियन्त्रित लागुऔषधको व्यापारिक परिमाणमा आयात गर्ने षड्यन्त्र गरेको अभियोग लगाइएको छ । दोषी प्रमाणित भएमा उनीहरूलाई अधिकतम आजीवन कारावासको सजाय हुनेछ । मेकानिकल बिग्रिएको आशंकामा डुङ्गा समुन्द्रमा अलपत्र परेपछि पक्राउ परेका हुन् । कोकिनको उत्पत्तिबारे अनुसन्धान जारी रहेको बताएका छन् ।
प्रकाशित मिति: १८ मंसिर २०८१, मंगलवार
