१३ चैत्र २०७९, सोमबार
१३ चैत्र, काठमाडाैँ । काठमाडाैँ महानगरपालिकाका मेयर बालेन्द्र(बालेन) शाहविरूद्ध प्रदर्शन भएको छ । मेयर शाहको विरूद्धमा काठमाडाैँको नयाँ बानेश्वरदेखि माइतीघर मण्डलासम्म र्यालीसहितको विरोध प्रदर्शन गरिएको हो ।
संविधान र कानुनविपरीत सुकुम्बासीहरूलाई उठिबास लगाउने कामको नेतृत्व लिएको भन्दै उनीविरूद्ध प्रदर्शन भएको हो ।
संयुक्त राष्ट्रिय सुकुम्बासी मोर्चा, नेपालका अध्यक्ष कुमार कार्कीले आफूहरूलाई उठिबास लगाउने काममा मेयर शाह लागेपछि त्यसको विरोधमा सुरू गरिएको प्रदर्शनलाई निरन्तरता दिनुपरेको बताएका छन् ।
उनले महानगरले भूमिहीनहरूलाई जग्गाधनी पूर्जा दिनुको साटो उठीबास लगाउने गतिविधि गर्दै गएमा कडा प्रतिक्रिया गर्ने समेत उल्लेख गरेका छन् ।
गत शुक्रबार काठमाडाैँ महानगरले अनधिकृत संरचनाहरू हटाउन ७ दिने सुचना जारी गरेको थियो ।
प्रकाशित मिति: १३ चैत्र २०७९, सोमबार
