१० चैत्र २०७९, शुक्रबार
१० चैत्र, पोखरा। नेकपा माओवादी केन्द्र गण्डकी प्रदेश सरकारबाट बाहिरने भएको छ । माओवादीले गण्डकीमा एमाले नेतृत्वको सरकारबाट बाहिरिने निर्णय गरेको हो ।
शुक्रबार बसेको संसदीय दलको बैठकले सरकारमा सहभागी मन्त्रीलाई फिर्ता बोलाउने निर्णय गरेको जानकारी दिइएको छ । त्यस्तै, समर्थन पनि फिर्ता लिने भएको छ ।
गण्डकी प्रदेशमा खगराज अधिकारी नेतृत्वको सरकारमा माओवादीका नेता हरिबहादुर चुमान भौतिक पूर्वाधार मन्त्री र रेशमबहादुर जग्जाली उद्योग पर्यटन, वन तथा वातावरण मन्त्री छन् ।
उनीहरूले आजै राजिनामा दिने भएका छन् ।
प्रकाशित मिति: १० चैत्र २०७९, शुक्रबार
