२८ असार २०८१, शुक्रबार
काठमाडाैं । राष्ट्रिय सभाका अध्यक्ष नारायण प्रसाद दाहालले सिंहदरबारमा निर्माणाधीन संघीय संसद भवनको निर्माण प्रगतिबारे जानकारी लिनुभएको छ। सिंहदरबारस्थित अध्यक्षको कार्यकक्षमा सहरी विकास मन्त्रालय अन्तर्गत संघीय संसद भवन निर्माण परियोजनाका आयोजना निर्देशक मचाकाजी महर्जनसहितको टोलीले भवन निर्माणको अवस्था र इन्टेरियर डिजाइनका बारेमा जानकारी गराएको छ।
सो अवसरमा अध्यक्षज्यूले समयमै भवन निर्माण कार्य सम्पन्न गर्न आग्रह गर्नुहुँदै आन्तरिक प्राविधिक पक्षमा पनि चासो व्यक्त गर्नुभएको थियो। संसदको नयाँ भवन अत्याधुनिक र सूचना प्रविधिमैत्री हुनुपर्नेमा जोड दिनुहुँदै अध्यक्ष दाहालले निर्माणका क्रममा संघीय संसद सचिवालयसँग आवश्यक समन्वय गर्न पनि आग्रह गर्नुभयो।
प्रकाशित मिति: २८ असार २०८१, शुक्रबार
