२८ असार २०८१, शुक्रबार
काठमाडौं। सामाजिक सुरक्षा भत्ताका लागि राष्ट्रिय परिचयपत्र अनिवार्य हुने गरी लागू गरिएको नियम बिहीबारको मन्त्रिपरिषद् बैठकले तत्काल कार्यान्वयन नगर्ने निर्णय गरेको हो ।
सरकारले देशभरि बाढीपहिरोको समस्याले ज्येष्ठ नागरिकलगायतलाई परिचयपत्र बनाउन समस्या हुने भएकाले स्थगन गर्न गृह मन्त्रालयलाई निर्देशन दिने निर्णय गरिएको सरकारकी प्रवक्ता रेखा शर्माले बताइन् ।
गत १० असारमा राजपत्रमा प्रकाशित सूचनाअनुसार १ साउनदेखि सामाजिक सुरक्षा भत्ता पाउन र सवारीचालक अनुमतिपत्रका लागि राष्ट्रिय परिचयपत्र अनिवार्य गरिएको थियो ।
प्रकाशित मिति: २८ असार २०८१, शुक्रबार
