२७ असार २०८१, बिहीबार
काठमाडौँ । विदेशी मुद्राको सञ्चितिमा हालसम्मकै उच्च रेकर्ड रहेको छ। आयातमा भएको कमी र रेमिटेन्समा भएको वृद्धिको कारण नेपालको विदेशी मुद्राको सञ्चितिमा रेकर्ड बन्ने क्रमले निरन्तरता पाइरहेको छ।
चालु आर्थिक वर्ष २०८०–८१ को ११ महिनामा मुलुकको विदेशी मुद्राको सञ्चिति १९ खर्ब ६७ अर्ब रूपैयाँ पुगेको हो। यो हालसम्मकै उच्च हो।
गत बर्षको तुलनामा आयात १.८ प्रतिशतले घटेर १४ खर्ब ५३ अर्ब रूपैयाँमा सीमित भएको अबस्थामा हाल मुलुकमा रहेको विदेशी मुद्राको सञ्चितिले १२ महिना १८ दिनको वस्तु तथा सेवाको आयात धान्न सक्ने अबस्था रहेको छ ।
प्रकाशित मिति: २७ असार २०८१, बिहीबार
