२१ असार २०८१, शुक्रबार
काठमाडौं । प्रहरी अतिरिक्त महानिरीक्षक (एआईजी) बढुवाका लागि प्रस्ताव गरिएका पोषराज पोखरेल प्रहरी नायव महानिरीक्षक (डीआईजी)बाटै अवकाशमा गएका छन् ।
सिफारिस अनुसार बढुवा भएको भए उनी १९ र २० गते दुई दिनका लागि एआईजी हुने थिए । यही बीचमा एमालेले सरकारलाई दिएको समर्थन फिर्ता लिएपछि मन्त्रिपरिषद् बैठकले पोखरलको एआईजी बढुवामा कुनै निर्णय गरेन ।
जसकारण एआईजीमा बढुवा सिफारिस भएका पोखरेल ५६ वर्षे उमेर हदका कारण डीआईजीबाटै शुक्रबार राति १२ बजेबाट अवकाशमा जाने भएका हुन् ।
असार १० मा गृहमन्त्रालयका सचिव एकनारायण अर्याल संयोजक रहेको बढुवा सिफारिस समितिले सोमबार पोखरेललाई एआईजी बढुवाका लागि सिफारिस गरेको थियो ।
प्रकाशित मिति: २१ असार २०८१, शुक्रबार
