६ असार २०८१, बिहीबार
काठमाडाैं । प्रमुख प्रतिपक्षी कांग्रेसले शुक्रबार संसदीय दलको बैठक डाकेको छ । प्रमुख सचेतक रमेश लेखकका अनुसार ७ असार दिउँसो ३ बजेका लागि बैठक बोलाइएको छ । बैठक संसद् भवन नयाँ बानेश्वरस्थित ल्होत्से हलमा बस्नेछ । त्यसअघि संसदीय दल कार्यसमितिको बैठक बोलाइएको छ ।
कार्यसमितिको बैठक संसद् भवनस्थित संसदीय दलको नेता शेरबहादुर देउवाको कार्यकक्षमा बस्नेछ । बैठकमा समसामयिक विषय र संसद्मा कांग्रेसको रणनीतिका विषयमा छलफल हुने लेखकले बताए ।
प्रकाशित मिति: ६ असार २०८१, बिहीबार
