८ चैत्र २०७९, बुधबार
८ चैत्र, पर्सा । बाघको आक्रमणबाट प्रहरी सहित तीनजना घाइते भएका छन् ।
राष्ट्रिय निकुन्जबाट निस्किएर गाउँमा पसेको बाघको आक्रमणबाट १ जना प्रहरीसहित तीन जना भएको प्रहरीले जानकारी दिएको छ । प्रहरीले दिएको जानकारी अनुसार घाइते हुनेमा पोखरिया नगरपालिका वडा नम्बर ४ सतबरिया टोलका ३० वर्षका दिल महमद मियाँ, जोगिन्द्र साह तेली र प्रहरी जवान सुचिन्द्रप्रसाद यादव रहेका छन् ।
घाइतेमध्ये मियाँको अवस्था गम्भीर रहेको छ। अहिले उनको पोखरिया अस्पतालमै उपचार भइरहेको छ ।
बिहान सतबरिया टोलमा पसेको बाघलाई स्थानीयले देखेपछि प्रहरीलाई खबर गरेका थिए । अहिले पनि उक्त बाघ गाउँमै लुकेर बसेको र नियन्त्रणमा लिन जिल्ला वन डिभिजन कार्यालयको प्रहरी टोली घटनास्थलमा पुगेको छ ।
प्रकाशित मिति: ८ चैत्र २०७९, बुधबार
