८ चैत्र २०७९, बुधबार
८ चैत्र, काठमाडाैँ । तीन जनालाई नेविसंघले त्रिभुवन विश्वविद्यालय समिति अध्यक्षको बनाएको छ ।
विधान अनुसार एक जनामात्रै अध्यक्ष हुने भएता पनि नेविसंघले तीन जनालाई अध्यक्षको जिम्मेवारी दिएको पत्र सार्वजनिक भएको हो ।
नेविसंघ केन्द्रीय अध्यक्ष दुजाङ शेर्पाको हस्ताक्षरसहित तीन जनालाई त्रिवि समिति अध्यक्ष तोकिएको पत्र सार्वजनिक भएको छ। उक्त पत्रमा चैत्र ७ गतेको मिति उल्लेख गरिएको छ ।
पत्र अनुसार नेविसंघले गणेश भण्डारी, दिपकराज जोशी र विष्णुबहादुर बडैलालाई अध्यक्ष मनोनित गरेको छ । ती सबै पत्रको बोधार्थमा त्रिवि कीर्तिपुर उल्लेख गरिएको छ।
नेविसंघका अध्यक्ष दुजाङ शेर्पाले यसबारे केही दिनमा मिलाउने प्रतिक्रिया दिएका छन् ।
प्रकाशित मिति: ८ चैत्र २०७९, बुधबार
