ललितपुरको मेटल उद्योगमा आगलागी, एक जनाको मृत्यु

काठमाडौँ । ललितपुर महानगरपालिका-२३ स्थित हात्तिवनमा सिक्मा मेटल उद्योगमा आज बिहान आगलागी हुँदा एक जनाको मृत्यु भएको छ । जिल्ला प्रहरी परिसर ललितपुरका अनुसार आगलागी भएको स्थानमा जलेको अवस्थामा शव फेला परेको छ ।

कृष्ण लेत्फे र भीम लेत्फे सञ्चालक रहेको सिक्मा मेटल इन्टेक्समा आगलागी भएको थियो । विद्युत् शर्ट भएर आगलागी भएको हुनसक्ने अनुमान गरिएको छ । शव जलेको अबस्थामा भएको कारण शवको पहिचान खुल्न सकेको छैन ।  थप अनुसन्धान भइरहेको प्रहरीले जनाएको छ ।