२३ फाल्गुन २०८०, बुधबार
काठमाडाैं । सत्ता गठबन्धनबाट कांग्रेस बाहिरपछि कांग्रेसले तीन मुख्यमन्त्रीसहित ६ प्रदेश सरकार गुमाउने भएकाे छ । एक वर्षपछि सत्तामा फर्किँदै छ एमाले । मधेशमा पनि नयाँ सिराबाट सरकार गठन हुने भएको छ । नयाँ गठबन्धनमा प्रधानमन्त्री प्रचण्डले जनमत पार्टीलाई समावेश गर्ने प्रयास गरिरहेका छन् । तर, जनमतले सत्ता गठबन्धन सामेलका लागि मधेश प्रदेशको मुख्यमन्त्री पहिलो सर्त राखेको छ । यस्ताे छ अंकगणितः
१. कोशीः जम्माः ९३, बहुमत ४७ ,एमाले ४०, माओवादीको १३ र जसपाको १ ले स्पष्ट बहुमत पुगेपनि संवैधानिक कारणले गठबन्धन सरकार बन्न सर्वोच्च अदालत कारक हुने । नेपाली कांग्रेसः २९
२. मधेशः जम्मा १०७, बहुमत ५४ । एमाले २३, माओवादी ८ र जसपा १६ गरी जम्मा ४७ मात्रै । बाँकी ७ को लागि कि त लोसपा ९ वा समाजवादी ७ को भर पर्नुको विकल्प छैन । नेपाली कांग्रेसः २२
३. बागमतीः जम्मा ११०, बहुमत ५६ । एमाले २७ र माओवादी २१ गरी जम्मा ४८ मात्रै । बाँकी ७ सिटको लागि समाजबादी ७ बाहेक अरु विकल्प छैन । नेपाली कांग्रेसः ३७
४. गण्डकीः जम्मा ६०, बहुमत ३१ । एमाले २२ र माओवादी ८ गरी ३० मात्रै । बाँकी १ को लागि समाजबादी १ बाहेक अरु विकल्प छैन । नेपाली कांग्रेसः २७
५. लुम्बिनीः जम्मा ८६, बहुमत ४४ । एमाले २९, माओवादी १० र जसपा ३ गरी जम्मा ४२ । बाँकी २ स्थानमा समाजबादी १ र नाउपा ४ वा लोसपा ३ मध्ये एक अनिवार्य । नेपाली कांग्रेसः २७
६. कर्णालीः जम्मा ४०, बहुमत २१ । माओवादी १३ र एमाले १० गरी २३ । अरु कोही नभएपनि हुने । नेपाली कांग्रेसः १४
७. सुदुर पश्चिमः जम्मा ५३, बहुमत २७ । माओवादी ११ र एमाले १० गरी जम्मा २१ बाँकी ६ स्थानमा समाजबादी ४ जोड्दा नि नपुग्ने । नाउपा ७ अनिवार्य । नेपाली कांग्रेसः १९ अब कहाँ कहाँ गठबन्धनको सरकार बन्ने ? कहाँ कहाँ नेपाली कांग्रेसले अर्को गठबन्धन बनाउने र कहाँ कहाँ मध्याबधि गर्ने ?
प्रकाशित मिति: २३ फाल्गुन २०८०, बुधबार
