बाल सुधार गृहमा खानाको लाइन बस्दा झडप, ३ जना घाइते

पोखरा। पोखरामा रहेको बाल सुधार गृहमा झडप भएको छ । पोखरा १८ ग्यारजातिमा रहेको उक्त गृहमा सोमबार खाना खान लाइन बस्ने क्रममा झडप हुँदा ३ जना घाइते भएका छन् । त्यसैगरी, सुधार गृहका नाइकेसँग अन्य बालकहरूको भनाभन भएको थियो ।

त्यसपछि झडप हुँदा बागलुङ, म्याग्दी र स्याङ्जाका तीन युवक घाइते भएका कास्की प्रहरीले जनाएको छ । उनीहरूको मणिपाल अस्पतालमा सामान्य उपचारपछि डिस्चार्ज भैसकेका इन्स्पेक्टर सूर्य रानाले जानकारी दिएका छन् । उक्त घटनाबारे अनुसन्धान भइरहेको छ ।