७ फाल्गुन २०८०, सोमबार
काठमाडौं। निजी गाडी चालकलाई अपशब्द प्रयोग गर्ने एक जना पक्राउ परेका छन् । काठमाडौं चुनदेवीका प्रवीण श्रेष्ठ प्रहरीले पक्राउ गरेको हो । उनले रातिको समयमा काठमाडौंको सार्वजनिक स्थानमा एक जना निजी गाडी चालकलाई अपशब्द प्रयोग गर्दै गाली गरेको भिडियो सामाजिक सञ्जालमा सार्वजनिक भएको थियो ।
उक्त भिडियोमा देखिए र सुनिए अनुसार उनले प्रहरीको डिएसपी हुँ भन्दै अपशब्द प्रयोग गरेका थिए भने सो गाडीमै सवार एक जना महिलाले दाइ–दाइ भनेर सम्बोधन गर्दा र चालकले तपाईँ भनेर सम्बोधन गर्दा पनि प्रवीण श्रेष्ठले उनीहरूलाई अपशब्द प्रयोग गरेका थिए ।
उक्त घटनाबारे थप अनुसन्धान भइरहेको र उनी नेपाल प्रहरीको बहालवाला तथा अवकाश प्राप्त कर्मचारी नभएको समेत प्रहरीले स्पष्ट पारेको छ ।
प्रकाशित मिति: ७ फाल्गुन २०८०, सोमबार
