६ फाल्गुन २०८०, आईतवार
काठमाडौं। बालबालिकाहरूमा हुने मोतीबिन्दु, डेडोपना, लेन्स लगाउनुपर्ने लगायतका विविध आँखासँग सम्बन्धित स्वास्थ्यका समस्याका बारेमा छलफल आवश्यक बन्दै गएको छ ।
यही आवश्यकतालाई महसुस गर्दै तिलगंगा आँखा प्रतिष्ठानले हिमालयन क्याटराक्ट प्रोजेक्टको सहयोगमा विशेष बाल आँखा स्वास्थ्यमा केन्द्रित दुई दिने कार्यक्रमको आयोजना गरेको छ । त्यस्तै, राष्ट्रिय तथा अन्तर्राष्ट्रिय विज्ञहरू एकै ठाउँमा जम्मा भई सिप तथा ज्ञान साटासाट गर्न र हरेक बिरामीको पहुँचमा उपचार पुर्याउन कार्यक्रमको आयोजना गरिएको हो । नेपाल आँखा कार्यक्रम, तिलगंगा आँखा प्रतिष्ठानले पेडियाट्रिक अफ्थमोलोजी स्युम्पोसिअम एन्ड सीएमई अन पेडियाट्रिक अफ्थमोलोजी एन्ड स्टार्विस्जमस् दुई दिने कार्यक्रमको आयोजना गरेको हो ।
आइतबार र सोमबार आयोजना भइरहेको कार्यक्रममा प्रमुख वक्ताका रूपमा अमेरिकाका प्रसिद्ध बाल आँखा चिकित्सक प्रा.डा. एड्वर्ड विल्सन, भारतमा बाल आँखाको प्रविधिका क्षेत्र विज्ञ डा. रमेश केकुन्य र शङ्कर नेत्रालय रिसर्च विभागकी डा। सुमिता अगर्कार सहभागी हुँदै छन् । त्यस्तै तिलगंगा आँखा प्रतिष्ठानकी बाल आँखा रोग विभाग प्रमुख डा. सिर्जना अधिकारी र वीर अस्पतालकी वंशाणुगत रोग विभाग प्रमुख डा। निलम ठाकुर राष्ट्रिय वक्ताका रूपमा छन् ।
हिमालयन क्याटराक्ट प्रोजेक्टले प्रतिष्ठानको बाल आँखा उपचार विभागको स्तरोन्नतिमा सघाउने उद्देश्यले हातेमालो गर्दै आएको छ ।
प्रकाशित मिति: ६ फाल्गुन २०८०, आईतवार
