सकियो ‘लन्डन टु पेरिस’को छायाङ्कन

काठमाडौं। घनश्याम लामिछाने निर्देशित फिल्म ‘लन्डन टु पेरिस’को छायाँंकन सकिएको छ । बिभिन्न कारणले लामो समयदेखि २० प्रतिसत छायांकन रोकिएको फिल्म अहिले सकिएको हो ।

उक्त छायांकन सकिएसँगै फिल्मको मुम्बईमा सम्पादन सुरु भएको निर्देशक घनश्याम लामिछानेले जानकारी दिएका छन् । सो फिल्मको अन्तिम सम्पादन सकिएपछि रिलिज डेट घोषणा हुने लामिछानेले बताएका छन् ।

त्यस्तै, लभस्टोरी कथामा निर्माण भएको फिल्म एबी इन्टरनेश्नलको ब्यानरमा अमित बस्नेत, परि थापा, सनिस खकुरेल, अजित थापा निर्माता हुन् । उक्त फिल्ममा साम्राज्ञी राज्यलक्ष्मी शाह, निश्चल खड्का, गरिमा शर्मा र कबिर खड्का, लोक बिक्रम मल्ल लगायतको अभिनय रहेको छ । त्यसैगरी, निश्चल र गरिमाले यसै फिल्मबाट डेब्यु गर्न लागेका हुन् ।

सो फिल्ममा हर्कुलस बस्नेत, यस डि योगि, बियोन्ड बि, सलिन बानियाँको संगीत रहेको फिल्मको कथा, पटकथा र संवाद प्रदीप भारद्धाजले लेखेका हुन् ।