२२ माघ २०८०, सोमबार
काठमाडौं। सिद्धार्थ प्रिमियर इन्स्योरेन्सले सेयरधनीका लागि नगद लाभांश घोषणा गरेको छ । उक्त कम्पनीको १९औँ सञ्चालक समितिको बैठकले हाल कायम रहेको चुक्ता पुँजीको ११ प्रतिशत नगद लाभांश दिने निर्णय गरेको हो ।
त्यस्तै, कुल ३० करोड ८७ लाख रुपैयाँ बराबर नगद लाभांश प्रदान गरिने कम्पनीले जनाएको छ भने आर्थिक वर्ष २०७९/८०को वित्तीय विवरण तथा लाभांश प्रस्ताव बीमा प्राधिकरणमा स्वीकृतिका लागि पठाउने निर्णय बैठकले गरेको छ ।
यो नगद लाभांश कर सहितको हो । साबिकको सिद्धार्थ र प्रिमियर इन्स्योरेन्स कम्पनी मर्ज भई सिद्धार्थ प्रिमियर इन्स्योरेन्स बनेको हो ।
प्रकाशित मिति: २२ माघ २०८०, सोमबार
