२५ फाल्गुन २०७९, बिहीबार
२५ फागुन, काठमाडाैँ। नयाँ राष्ट्रपतिका लागि भएको चुनावको मतगणा सुरू भएको छ । केहीबेरअघि मतदान प्रक्रिया सकिएसँगै मतगणना सुरू गरिएको हो ।
नयाँ बानेश्वरस्थित संघीय संसद् भवनको अन्नपूर्ण हलमा मतगणना भइरहेको छ । प्रदेशसभा सदस्य र प्रतिनिधिसभा सदस्यतर्फको मतगणना छुट्टाछुट्टै स्थानमा भइरहेको छ ।
निर्वाचनको अन्तिम परिणाम आजै सार्वजनिक गरिनेछ ।
बिहीबार बिहान १० देखि दिउँसो ३ बजेसम्म राष्ट्रपति चयनका लागि मतदान भएको थियो । राष्ट्रपति पदका लागि एमालेबाट सुवासचन्द्र नेम्वाङ र नौ दलीय गठबन्धनबाट रामचन्द्र पौडेल प्रतिस्पर्धामा छन् ।
प्रकाशित मिति: २५ फाल्गुन २०७९, बिहीबार
