२५ फाल्गुन २०७९, बिहीबार
२५ फागुन, काठमाडाैँ । प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ विरुद्धको रिट हेर्न नभ्याइनेमा राखिएको छ ।
सर्वोच्च अदालतका न्यायाधीश विश्वम्भरप्रसाद श्रेष्ठको इजलासमा प्रारम्भिक सुनुवाइका लागी पेशी राखिए उक्त रिट आजका लागि हेर्न नभ्याइनेमा राखिएको हो ।
अधिवक्ता ज्ञानेन्द्रराज आरण समेतले द्वन्दकालको मुद्दामा प्रचण्डलाई कारबाही हुनुपर्ने माग राखेर रिट दर्ता गराएका थिए ।
२०७६ सालमा प्रचण्डले द्वन्दकालमा मारिएकाहरूमध्ये ५ हजारको मात्रै जिम्मा लिने अभिव्यक्ति दिएका थिए । सोही विषयमा प्रचण्डमाथि कारबाही गरिनुपर्ने माग सहित रिट दर्ता भएको हो।
प्रकाशित मिति: २५ फाल्गुन २०७९, बिहीबार
