२६ मंसिर २०८०, मंगलवार
काठमाडौं। अर्थ मन्त्रालयले ६ जना सहसचिवको पदस्थापन तथा जिम्मेवारी हेरफेर गरेको छ । अर्थमन्त्री डा.प्रकाश शरण महतले केही दिन अघि सरुवा भई आएका र लामो समयदेखि बरण्डा (अतिरिक्त) मा रहेका सहसचिवहरूको खटनपटन गरेका हुन् ।
त्यसैगरी, प्रशासन सिंहदरवार ब्युरोलाई प्राप्त जानकारी अनुशार प्रशासन महाशाखाको जिम्मेवारी महेश आचार्यलाई दिइएको छ भने लामो समयदेखि अतिरिक्तमा रहेका राजेश्वर ज्ञवालीलाई महालेखा नियन्त्रकको कार्यालयमा खटाइएका छन् । यसैगरी त्यहाँका शम्भु प्रसाद मरासिनीलाई भन्सार जाँच पास परीक्षण कार्यालयको प्रमुख भन्सार परीक्षण प्रशासक बनाई पठाइएको छ ।
अर्थ मन्त्रालय निकै संवेदन६ सहसचिवको पदस्थापन तथा सरुवाशील र महत्त्वपूर्ण मन्त्रालयका रूपमा लिइन्छ तर पछिल्लो समय ‘कमाऊ’ अड्डाका रूपमा लिइदा देशको अर्थतन्त्र दिनप्रतिदिन ओरालो लाग्दो छ । राजनीतिदेखि प्रशासनसम्मै विज्ञ भन्दा पनि ‘व्यवस्थापन’ गर्न सक्नेहरूको पोल्टामा मिल्काइँदा यति बेला कोही कसैले कामै गर्न नसक्ने अवस्थामा पुगेको छ भने सीमित ‘बिचौलिया’हरुको सेटिङको नतिजा बिस्तारै देखिन थालेको छ ।
त्यस्तै, मन्त्री महतले सहसचिव महेश बराललाई कर प्रणाली सुधार सम्बन्धी उच्चस्तरीय सुझाव समितिको जिम्मेवारी दिएका छन् भने अमृत लम्साललाई मध्यम स्तरीय करदाता कार्यालय, बबरमहलको प्रमुख कर प्रशासक बनाई पठाएका छन् । सहसचिव पार्वती शर्मालाई आन्तरिक राजश्व विभागको उपमहानिर्देशकमा पठाइएको छ ।
प्रकाशित मिति: २६ मंसिर २०८०, मंगलवार
