९ मंसिर २०८०, शनिबार
काठमाडौं । कांग्रेस महामन्त्री गगन थापाले पूर्वराजा ज्ञानेन्द्र शाहलाई संबैधानिक व्यवस्था प्रयोग गरेर व्यवस्था परिवर्तन गनै चूनौती दिएका छन् । गुल्मीको तमघासमा आयोजित कांग्रेसको जिल्ला सम्मेलनलाई सम्बोधन गर्दै उनले संविधानको बाटो अनुसरण गरेर व्यवस्था परिवर्तन गरेर देखाउन चूनौती दिएका हुन् ।
उनले पूर्वराजा आफै अगाडि नदेखिएर च्याखे थापेको संकेत गरे । उनले राजाहरुकै बदनियतका कारण नेपालको राजसंस्था विस्थापित भएको जिकिर गरे । ‘राजा फर्काउनुपर्छ भनेर कोहि आँउछ भने कांग्रेसले स्पष्ट भन्ने हो जुवाको खालमा गएर च्याखे दाउ थाप्ने होइन ।
सिधै खालमा भिड्न आए हुन्छ महाराज कांग्रेस भिड्न तयार छ । जाने पार्टी खोल्ने,चुनाव लड्ने,संबिधान बदल्ने फेर्ने व्यवस्था फर्काउने कांग्रेस यो कुराका लागि तयार छ । हाम्रो संबिधानले त्यो दिन्छ,’महामन्त्री थापाले भने ।
प्रकाशित मिति: ९ मंसिर २०८०, शनिबार
