५ मंसिर २०८०, मंगलवार
काठमाडौं । सर्वोच्च अदालतले टिकटक प्रतिबन्ध लगाउने सरकारको निर्णय कार्यान्वयनमा रोक लगाउन अस्वीकार गरेको छ ।
न्यायाधीश विनोद शर्माको एकल इजलासले रिट निवेदकको माग अनुसार टिकटक प्रतिबन्ध लगाउने सरकारको निर्णय कार्यान्वयनमा अन्तरिम आदेश दिन अस्वीकार गरेको हो ।
कात्तिक २७ मा मन्त्रिपरिषद बैठकले नेपालमा टिकटक प्रतिबन्ध लगाउने निर्णय गरेको थियो । सरकारको उक्त निर्णयकले अभिव्यक्ति स्वतन्त्रता हनन गरेको भन्दै कानुन व्यवसायी र सरोकारवालाले गरी सर्वोच्च अदालतमा १० भन्दा बढी रिट परेको थियो ।
आज उक्त रिटमाथि सर्वोच्च अदालतमा सुनुवाइ भएको थियो । सो क्रममा न्यायाधीश विनोद शर्माको एकल इजलासले टिकटक प्रतिबन्धको निर्णय गर्नुको कारणबारे सरकारसँग लिखित जवाफ माग गरेको छ ।
सर्वोच्चले यस मुद्दालाई मंसिर १९ गते पूर्ण सुनुवाइका लागि पेश गर्न आदेश दिएको छ ।
प्रकाशित मिति: ५ मंसिर २०८०, मंगलवार
