सरकारले सञ्चालन गर्ने भनिएको सुपथ मूल्यको पसल गुल्मीमा खुलेन

गुल्मी । दशैं तिहार पर्वलाई मध्य नजर राखेर सरकारले सञ्चालन गर्ने भनिएको सुपथ मूल्यको पसल गुल्मीमा भने सञ्चालनमा आएको छैन् । जसले गर्दा चाडपर्वको समयमा उपभोक्ताले महङ्गो मूल्य तिरेर भएपनि चाडपर्व मनाउनुपर्ने अवस्था भएको छ । चाडपर्वको बेला उपभोक्तालाई सहुलियत दिन भन्दै सरकारले असोज २१ गतेदेखि गुल्मी सहित ४२ जिल्लाको ४८ ठाउँमा सुपथ मूल्यका पसल सञ्चालन गर्ने भनिएको थियो । तर गुल्मी जिल्लामा भने सञ्चालनमा आएको छैन् । जनताको बारेमा कसैले पनि नसोच्दा चाडपर्वको मुखमा चर्को मूल्य सहेर मनाउनुपर्ने बाध्यता रहेको बताए । असोज २१ गतेदेखि मंसिर ४ गतेसम्म सञ्चालन हुँने सुपथ मूल्यको पसलमा २ रुपैयाँदेखि ५० रुपैयाँसम्म छुट दिएर दैनिक उपभोग्य सामाग्री बिक्री गर्ने योजना सरकारले ल्याएको थियो ।

नेपालीहरुका महान पर्वमा अन्य समयमा भन्दा बजारमा किनमेलको चाप पनि बढने गर्दछ । अहिले बजारमा चिनी, मसला लगायत खाद्ययन्नमा अचाक्ली मूल्य बृद्धि भएको छ । सरकारले चाडपर्वको समयमा सहुलियत पसल खोल्ने आशा देखाए पनि पसल सञ्चालन नगरेर नागरिकलाई निरासा बनाएको धुर्कोट गाउँपालिका वाग्ला निवासी केशव घिमिरेले बताए । जनताको बारेमा कसैले पनि नसोच्दा चाडपर्वको मुखमा चर्को मूल्य सहेर मनाउनुपर्ने बाध्यता रहेको बताए । सुपथ मूल्यको पसल ग्रामीण तहसम्म आउनुले नागरिक सुपथ मूल्यमा सामाग्री किनमेल गर्नबाट बञ्चीत भएको नागरिक समाज गुल्मीका अध्यक्ष पदमप्रसाद पाण्डेले बताए । बजारमा भइरहेको महङ्गी नियन्त्रणमा सुपम मूल्यका पसले राहत दिने अपेक्षा नागरिकको रहेको उनले बताए ।

सरकारले सुपथ पसलबाट बजार मूल्य नियन्त्रण र गुणस्तरीयता कायम गरी सरल, सहज र सर्वसुलभ रुपमा उपलब्ध गराउने उदेश्य राखेको छ । जिल्लामा सुपथ मूल्यको पसल सञ्चालनमा नआएपनि व्यवसायीहरुलाई बाणिज्य संघले निर्धारण गरेको मूल्य भन्दा बढी मूल्य लिएर बिक्री नगर्न आग्रह गरिएको गुल्मी उद्योग बाणिज्य संघका अध्यक्ष इश्वरीप्रसाद पौडेलले बताए । चाडपर्वको समयमा उपभोक्तालाई मारपर्ने गरि कुनैपनि सामाग्रीको तोकिएको भन्दा बढी मूल्य नलिन र कृत्रिम अभाब सृजना गरेर मूल्य बृद्धि नगर्न सबै व्यवसायीलाई सचेत गराइएको पौडेलको भनाइ रहेको छ । बजारमा भइरहेको मूल्यबृद्धि नियन्त्रण तथा म्याद गएका सामाग्रीको बिक्री बिरतणमा रोक लगाउने उदेश्यले बजार अनुगमन तिब्र पारिएको प्रमुख जिल्ला अधिकारी टेकबहादुर केसीले बताए ।

उनले बजारमा कृत्रिम अभाव देखाएर मूल्य बृद्धि गर्ने जो कोहिलाई कानुनी दायरामा ल्याएर कारवाही गरिने बताए । चाडपर्व नजिकिएसँगै दैनिक भान्सामा प्रयोग हुने चामल, चिनी, दाल, मैदा, मसला लगायतका वस्तुको मूल्य आकासिएको छ । अहिले बजारमा सबै दैनिक उपभोग्य वस्तुको मूल्य बृद्धिको मारमा सर्वसाधारण नागरिक मर्कामा परेका छन् । बजारमा अहिले दैनिक उपभोग्य वस्तुको मूल्य थरिथरिका छन् । गाउँदेखि शहरसम्म दैनिक उपभोग गर्ने वस्तुको मुल्यवृद्धिले सर्वसाधारणलाई समस्या निम्ताएको छ । पछिल्लो समय दैनिक उपभोग गर्ने वस्तुको मूल्य आकासिदै गएपछि दैनिक ज्याला मजदूरी गरेर दैनिकी चलाउने अवस्था अझ कष्टकर बन्दै गएको छ ।