२८ आश्विन २०८०, आईतवार
काठमाडौ: नेपाल विद्यार्थी संघले चाडपर्वमा यातायात भाडा वृद्धि भएको बिषयमा सरकारलाई ध्यानाकर्षण गराएको छ । आइतबार अध्यक्ष दुजाङ शेर्पा सहितको नेविसंघको टोलीले पर्यटनमन्त्री सुदन किँरातीलाई ज्ञापनपत्र बुझाँउदै ध्यानाकर्षण गराएको हो ।
ज्ञापनपत्रमा सबै प्रकारको भाडा वृद्धिलाई नियन्त्रण गर्न माग गरिएको छ। ‘ चाडवाडको बेला विशेष गरेर सडक मार्गहरू र हवाई मार्गहरू निकै व्यस्त हुने समय भएकोले आम जनताको आवश्यकताको गलत फाइदा उठाउदै सबै प्रकारका यातायातको भाडामा भएको वृद्धि प्रति नेपाल विद्यार्थी संघ केन्द्रीय कार्यसमितिको गम्भीर ध्यानाकर्षण भएको छ, ‘ज्ञापनपत्रमा भनिएको छ।
साथै आन्तरिक तथा अन्तर्राष्ट्रिय उडानमा समेत स्वेच्छाचारी ढंगले हवाई टिकटको मूल्य निर्धारण गरिएको भन्दै अनुगमन र भाडादर नियन्त्रण गर्न माग गरेको छ ।नेविसंघले हवाई टिकटको भाडामा एकरूपता कायम गर्न, विद्यार्थीहरुलाई हवाई जहाजको टिकटमा सहुलियत प्रधान गर्न र नियमित हवाई यातायत सन्चालन गर्न सरकारसँग माग गरेको छ।
प्रकाशित मिति: २८ आश्विन २०८०, आईतवार
