७ आश्विन २०८०, आईतवार
७ असोज, हानझाउ । १९औं एसियाडमा आयोजक चीनले पहिलो स्वर्ण जितेको छ । चीनले आइतबार रोविङमा पहिलो स्वर्ण जितेको हो । फुयाङ वाटर स्पोर्ट्स सेन्टरमा भएको रोविङ अन्तर्गत महिला डबल्स लाइटवेइटमा चीनका जोउ जियाकी र क्यी जिउपिङको जोडीले स्वर्ण जितेका हुन् । चिनियाँ जोडीले ६.७८ सेकेण्ड टाइमिङ निकाले । रजत जितेका उज्वेक जोडी लुइजाखोन इस्लोमोभा र मालिका तागमाटोभाको जोडी १० सेकेण्डले पछि परेका थिए । यसमा इन्डोनेसियाले कास्य पदक जित्यो ।
आइतबार आयोजकले चीनले ११ स्वर्ण जितिसकेको छ । हङकङ चाइनाले पनि एक स्वर्ण जितेको छ । आइतबार बिहान नेपाली खेलाडीहरुको प्रदर्शन भने राम्रो हुन सकेन । तेक्वान्दो, जुडो, इस्पोर्ट्स, सुटिङमा बिहानी सत्रमा नेपाली खेलाडीहरु पराजित भए ।
प्रकाशित मिति: ७ आश्विन २०८०, आईतवार
