४ आश्विन २०८०, बिहीबार
४, असोज, डोटी । दिपायल सिलगढी नगरपालिका-७ कुन्जेडी बस्ने कृष्ण बहादुर कुन्जेडाको होटेल पसलमा विद्युत सर्ट गई बिहीबार दिउँसो आगलागी हुँदा पसल भित्र रहेका खुद्रा सामान, कस्मेटिक, भाँडावर्तन, बाकसमा रहेका कागजपत्र, फर्निचर, काउण्टर र पसल पछाडी राखेको सु.प.प्र ०१००९ प ७२४४ नम्बरको मोटरसाइकल समेत जलेर करिब ६ लाख रुपैयाँ बराबरको धनमाल नष्ट भएको छ । यसै गरि राजविराज नगरपालिका-४ मिनि मर्केटस्थित प्रभु बचत तथा ऋण सहकारी संस्था लिमिटेडमा विद्युत सर्ट भई गएराति आगलागी हुँदा कार्यालय भित्र रहेको सम्पूर्ण सर-सामान जलेर करिब ५ लाख ४० हजार रुपैयाँ बराबरको धनमाल नष्ट भएको छ । आगलागीका सम्बन्धमा प्रहरीले थप अनुसन्धान गरिरहेको छ ।
प्रकाशित मिति: ४ आश्विन २०८०, बिहीबार
