३ आश्विन २०८०, बुधबार
३ ,असोज ,काठमाडौँ । राष्ट्रिय स्वतन्त्र पार्टीका सभापति रवि लामिछानेले जनताले राजनीतिक नेतृत्वले धोका दिएको महसुस गरेको टिप्पणी गरेका छन् ।
संविधान दिवसको अवसरमा शुभकामना दिँदै राष्ट्रिय स्वतन्त्र पार्टीका सभापति रवि लामिछानेले मुलुकको बागडोर सम्हालेको प्रमुख नेतृत्व व्यवस्था परिवर्तनमा सफल भए पनि राजनीतिक नेतृत्ववाट जनताले धोका पाएको महसुस गरेको बताउदै मुलुकको बागडोर सम्हालेका राजनीतिक दलहरु जनताको अवस्था परिवर्तनमा चुकेको बताएका छन् ।
‘जननिर्वाचित संविधानसभाद्वारा संविधान बनाएको ८ वर्ष पुगिसक्दा पनि मुलुकको बागडोर सम्हालेको अहिलेको सम्पूर्ण प्रमुख नेतृत्व व्यवस्था परिवर्तनमा सफल भए पनि जनताको अवस्था परिवर्तनमा चुकेको छ ।’
३ दशकको राजनीतिक उतार चढावमा सबैभन्दा पीडा भोगेको रोल्पाबाट उनले भनेका छन्, संविधानमा धेरै सबल र उन्नत लोकतान्त्रिक पक्षहरू भए पनि केही संरचनागत व्यवस्थाहरूले राज्यलाई बोझिलो बनाएको छ ।’ ‘जनताले राजनीतिक नेतृत्वले धोका दिएको महसुस गर्दै ।समृद्धि खोजिरहेका छन्।
संबिधानमा नै लोकतान्त्रिक प्रकियाबाट संबिधान संसोधनको बाटो खुल्ला भएको बताउदै उनले लोकतान्त्रिक ब्यबस्थाको सदुपयोग गर्दै देश र जनतालाइ समृद्धिको बाटोमा लैजान संविधान साध्य नभई साधन बन्नुपर्ने बताए।
प्रकाशित मिति: ३ आश्विन २०८०, बुधबार
