२ आश्विन २०८०, मंगलवार
२ ,असोज ,काठमाडौँ । कपिलवस्तुको वाणगंगा नगरपालिका वडा नं ८, पुलचोकमा छोराले बाबुको हत्या गरेका छन् ।
सोमबार राति २५ वर्षीय विकास परियारले ६० वर्षीय बुबा बलबहादुर परियारलाई आमा र श्रीमतीलाई गालीगलौज गरेको भन्दै कुटपिट गरेका थिए । कुटपिटको क्रममा चिरान काठले प्रहार गर्दा गएराति बलबहादुर परियारको मृत्यु भएको इलाका प्रहरी कार्यालय पिपराले जनाएको छ ।
प्रहरीले छोरा विकासलाई राति नै घरबाट पक्राउ गरी हिरासतमा राखेको छ । उनले मदिरा सेवन गरेर बुवामाथि काठले प्रहार थिए । एक दिनअघि बुबाले छोरालाई कुटपिट गरेका थिए । बुबा छोराबीच विगतमा पनि झगडा हुँदै आएको प्रहरी ले जनाएको छ।
प्रकाशित मिति: २ आश्विन २०८०, मंगलवार
